الأربعاء، 25 فبراير 2015

حتى النفس

ســــر المرايا بتفضحة
اول ما بتشوفها بعينيك

دمعك تملي فـ مطرحة
والخوف بتمسك فيه بايديك

والرعشه بتهز الضلوع
والروح علي ابواب الطلوع
والوقت مش قابل رجوع
واقف تملي متبتك

حتى النفس ........
محبوس ورافض شهقتك

وجع ..
عايش ومش قادر يموت
اخرس وله الف صوت
والجرح هرياه الخيوط
ولسه بتبان ضحكتك

حتى النكد ..
معرفش يفرط دمعتك

.............

‫#‏ابراهيم_غانم‬

الجمعة، 6 فبراير 2015

كسرة نفس

وف واقفة بلكونه في بيتكوا .. بتشوف النور جاي بعيد
والخيط اللي بيربط بينكوا .. بيدوب قبل ما يجي ف الايد
لمعة عينك زي ما هي .. نفس الدمعه وحسرة قوية
واللي مأثر فيك اكمنك .. حبيت البنت العنادية
صوت الشيش مع اول قفلة .. بتحسة وكانه جديد
فتحة عينك قبل الغفلة .. بتقول لك هل انت سعيد؟
نفس الحضن بياخد اجلك .. اصلك حاضن هوا بالايد
واللي بيحضر ويخيط كفنك .. قبلك كان ف الحب شهيد

الاثنين، 19 يناير 2015

ست البنات


#ست_البنات

ضحكة عيون ست البنات


نور شمعه م الجرح انطفت


اداري عنها دمعتي .. وف السكات


بتعد ويايا السعات


في حد مات .. كل اللي جواها اتقتل


كانت مثل .. وقدوة لإخواتها البنات


سلبوها اعز ما تملك وإدوها حفنة دم


دبحوها حيه بتصرخ من غير ما ينعوا الهم


ولما تصبح ام .. ح يكون عزاها نواح


يبقى ابن بطنها غم .. والجاي من عمرها راح


ومنين ح يجي صباح لما السواد عاتم


الظلم عدلة براح وعدل المظلوم ظالم


يا رب عارفك عالم .. لكن انا المكسور


في الحلق شوك والزور مع روحي بيعافر


حاضر ح اقول حاضر


ما انا جيلي بيسلم والجيل ده ليه فاجر


ليه منا ما اتعلم


ضحكة عيون ست البنات


كانت امل لاسرة عالم ربنا


واللي انقهر م الهم مات


مفضلش ليها غيري انا


يا ساسا قولو لمين اقدم شكوتي


وازاي قولولي ح اقبل عزايا في اسرتي




#ابراهيم_غانم
وسط الورق والماضي والعمر اللي فجأة مني اتسرق
حـبـة قـلـق ورعـشـة ايديـن وصـوت من الحزن اتخنق
صدفة الحاجات
والذكريات ... خلوا فـ سعات قلبي اتحرق